رادیۆی دەنگ
لە کەلار وتەبێژ و بەرپرسی راگەیاندنی دامودەزگا حکومییەکان، بە بنەماکانی شێوازی مامەڵەی پیشەییانە لەگەڵ رۆژنامەنوسان و پێدانی زانیاریی پێیان، راهێنانیان پێکرا.
ئەمڕۆ چوارشەممە (٧/ ١/ ٢٠٢٦)، رادیۆی دەنگ لەچوارچێوەی پرۆژەیەکی بۆ برەودان بە رۆژنامەوانی مافەکانی مرۆڤ و ژنان و چاودێریی حکومەتی خۆجێی، لە رێگەی یەکەی چاودێریی حکومەتی خۆجێی گەرمیانـی سەر بە رادیۆکەوە، هەستا بە ئەنجامدانی راهێنانێک.
لە راهێنانەکەدا کە ژمارەیەک لە وتەبێژ و بەرپرسی راگەیاندنی دامودەزگا حکومییەکانی سنوری گەرمیان ئامادە بون، راهێنان ئەنجامدرا لەبارەی ئەوەی چۆن مامەڵەیەکی دروست لەگەڵ میدیاکاراندا بکەن و زانیاریی پێویست بۆ ئەوان و لەڕێگەی ئەوانیشەوە بۆ هاوڵاتیان.
راهێنانەکە لەلایەن م. دەشتی عەلی، پسپۆڕی بواری میدیاوە پێشکەشکرا و تیایدا لەڕوی تیۆرییەوە بەشداران ئاشناکران بە بنەما سەرەکییەکانی مامەڵەی دروست و شەفافانە لەگەڵ میدیا و باسکردنی لایەنە ئەرێنی و نەرێنییەکان. پاشان لەگەڵ بەشداراندا گفتوگۆ لەبارەی ئەم بابەتەوە کرا.
دواتر بەشداران لەڕێگەی کاری گروپەوە، خۆیان هەستان بەدیارییکردنی گرنگترین ئەو خاڵانەی کە وەکو بنەما پێویستە لەم پەیوەندییەدا رەچاوبکرێت، هەروەها باسکردنی گرنگترین ئەو ئالەنگاریی و کێشانەی لەمڕوەوە دێنە ئاراوە.
دواتر سەرجەمی ئەو خاڵانەی گەڵاڵە کرابون، پێشکەشکران و بەکۆی گشتی لەلایەن بەشدارانەوە گفتوگۆیان لەبارەوە کرا.
- دوایین بابەتەکان
-
هەواڵلە گەرمیان بەشێک لە قوتابخانە و پەیمانگا ئەهلییەکان موچەیەک دەدەن بە مامۆستایان کە کەمترە لەوەی دیارییکراوە لە گرێبەستەکەیاندا
-
-
هەواڵبەڕێوبەرایەتی بەرەنگاربونەوەی توندوتیژی گەرمیان: لە ئێستادا سەرەکیترین هۆکار بۆ جیابونەوەی هاوسەران سۆشیاڵمیدیایە
-
-
هەواڵدیزانێکی نوێ بۆ کۆرنیشەکەی کەلار پێشکەشکرا
-
-
هەواڵگەسفرۆشەکانی کەلار نرخەکەیان بەرزکردەوە و چاودێریی بازرگانییش هاتە سەر هێڵ
-
-
وتاردواین هەناسە و گیانەڵای پەروەردە و خوێندنی باڵا
-
زۆرترین بینراوەکان