رادیۆی دەنگ

 

ساڵى رابردو له‌ گه‌رمیان وەکو تاقیکردنەوە زه‌عفه‌ران چێنرا تا بزانرێت گونجاوه‌ له‌ ناوچه‌كه‌ به‌رهه‌م بهێنرێت، كشتوكاڵى گه‌رمیان ده‌ڵێت: تاقیکردنەوەکە سه‌ركه‌وتو بوه‌.

 

ستار عه‌لى، وته‌بێژى به‌ڕێوبه‌رایه‌تى گشتى كشتوكاڵى گه‌رمیان، بۆ رادیۆى ده‌نگ باسى له‌وه‌كرد: ساڵى رابردو بە هاوکاری رێکخراوی جایکای چینی. به‌رهه‌مى زه‌عفه‌رانمان چاند بەشێوەی ئەزمونیی، ‌بۆ ئەوەی بزانین تاچه‌ند گونجاوه‌ بۆ ناوچه‌كه‌، ئەوەبو سەرکەوتو بو و ئه‌مساڵیش جارێکی تر چاندمانه‌وه‌ سه‌ركه‌وتو بو.

 

وتیشى: ئێستا داخڵ به‌ توێژینه‌وه‌مان كردوه‌ بۆئه‌وه‌ى بڕیارى له‌سه‌ر بدرێت و له‌ داهاتودا كارى زیاتری لەسەر بكه‌ین.

 

 

زەعفەران گوڵێکی بچوکی بە زۆریی رەنگ مۆرە، وەکو بەهارات بۆ بابەتی خواردەمەنی بەکاردەهێنرێت. ئەم بەهاراتە نرخێکی گرانی هەیە و خواستیشی لەسەر ئاستی جیهاندا زۆرە.