رادیۆی دەنگ

 

بڕیارە بۆ جێگەی ئەکرەم ساڵح، سامان رەحیم بە سەرۆکی شارەوانی کەلار دەستبەکار بێت، لە کۆبونەوەیەکی جێگری سەرۆکی حکومەت و شاندێکی ئیدارەی گەرمیان، پرسەکە یەکلاکراوەتەوە.

 

ئیدارەی گەرمیان دوێنێ بڵاویکردەوە: قوباد تاڵەبانی، جێگری سەرۆکی ئەنجومەنی وەزیران، لە شاری سلێمانی لەگەڵ سەرپەرشتیاری ئیدارەی گەرمیان، نوێنەری جێگری سەرۆکی حکومەت لەگەرمیان، بەڕێوبەری گشتی وەبەرهێنانی گەرمیان، بەڕێوەبەری نەخشەدانانی ئاوەدانی گەرمیان و سەرۆکی شارەوانی کەلار کۆبوەتەوە.

 

بەپێی زانیارییەکانی رادیۆی دەنگ، لە کۆبونەوەکەدا بڕیاردراوە بە دانانی سامان رەحیم- بەڕێوبەری بەڕێوبەرایەتی ئاوی کەلار، بە سەرۆکی نوێی شارەوانی کەلار، ئەویش لەجێگەی ئەکرەم ساڵح- سەرۆکی ئێستای شارەوانییەکە کە لە هەڵبژاردنی ئەنجومەنی نوێنەرانی عێراقدا سەرکەوتنی بەدەستهێنا.

 

بڕیاریشە لەمڕۆوە نوسراو ئاراستەی وەزارەتی شارەوانی و ئەنجومەنی وەزیران بکرێت بەمەبەستی دەرکردنی فەرمانی کارگێڕیی پێویست بۆ ئەم گۆڕانکارییە.