کەلار سێیەم گەورەترین قەزای هەرێمە
هەواڵ
12:32PM - 2025-11-30 , بینین : 779
 
رادیۆی دەنگ
 
بەپێی ئەنجامی دواین سەرژمێریی گشتی دانیشتوانی عێراق، لەسەر ئاستی هەرێمی کوردستان و بەدەر لە ناوەندی پارێزگاکان، کەلار گەورەترین قەزای پارێزگای سلێمانی و سێیەم گەورەترین قەزای هەرێمی کوردستانە.
 
بەپێی دەرەنجامی سەرژمێرییەکە، ژمارەی دانیشتوانی قەزای کەلار، 213 هەزار و 452 کەسە، بەمەش گەورەترین قەزای پارێزگای سلێمانییە و 8.89%ـی دانیشتوانی پارێزگاکە پێکدێنێت.
 
هەر بەپێی سەرژمێرییەکە، گەورەترین قەزا لەسەر ئاستی هەرێم، قەزای زاخۆیە لە پارێزگای دهۆک کە ژمارەی دانیشتوانەکەی 398 هەزار و 876 کەسە. بە دوای ئەویشدا قەزای بنەسڵاوە لە پارێزگای هەولێر دێت کە ژمارەی دانیشتوانەکەی 315 هەزار و 266 کەسە.