رادیۆی دەنگ

 

سه‌ربارى بونى رێژه‌یه‌كى بەرچاوی موچه‌خۆر له‌ قه‌زاى كفرى کە لەڕێگەی پرۆژەی هەژماری منەوە موچە وەردەگرن، بەڵام ئامێرى راکێشانی پارە (ATM) لەقەزاکەدا نییە، بۆیە موچه‌خۆران ناچارن بێنه‌ قه‌زاکانی كه‌لار و رزگاریی بۆ وەرگرتنی موچەکانیان.

 

ساهر عه‌لى، قایمقامى قه‌زاى كفرى، بۆ رادیۆى ده‌نگ وتى: له‌ هه‌وڵداین بۆ دابینكردنى ئامێرى ATM، له‌گه‌ڵ كۆمپانیاش قسه‌مان كردوه‌، ته‌نانه‌ت پشكنیمان بۆ شوێنی دانانی ئامێرەکان كردوه‌ و شوێنەکانمان دیارییكردوه‌.

 

وتیشى: بڕیارە 2 ئامێر له‌ 2 شوێنى جیاوازى قه‌زاكه‌ دابنرێت.

 

ده‌شڵێت: له‌ گفتوگۆداین له‌گه‌ڵ كۆمپانیا بۆ ئه‌وه‌ى به‌زوترین كات ئه‌و گرفته‌ چاره‌سه‌ربكرێت.