رادیۆی دەنگ

 

به‌شێك له‌و زه‌وییانەی دانراوە بدرێت بە فه‌رمانبه‌رانى ‌رزگاریی، کەوتونەتە ناو مه‌یدانى ئاژه‌ڵانى قەزاکەوە، ئه‌مه‌ش‌ گرفتى لە به‌رده‌م دابەشکردنی زەوییەکاندا دروستکردوە، ‌سه‌رۆكى شاره‌وانییش ده‌ڵێت: دەمانەوێت مه‌یدانە بگوازینه‌وه‌.

 

ئه‌رسه‌لان ئه‌حمه‌د، سه‌رۆكى شاره‌وانى رزگاریی، بۆ رادیۆى ده‌نگ وتى: به‌شێك له‌ زه‌وى فه‌رمانبه‌رانی قەزاکەمان کەوتونەتە ناو مه‌یدانى ئاژه‌ڵانەوە، ئەمەش بوه‌ به‌ گرفت بۆمان و ناچارین بیگوازینه‌وه‌.

 

وتیشى: بۆ ئه‌و مه‌به‌سته‌ نوسراومان ئاراسته‌ى به‌ڕێوبه‌رایه‌تى گشتى شاره‌وانیه‌كانى گه‌رمیان كردوه‌ كه‌ زه‌وى بۆ مه‌یدانى ئاژه‌ڵان ته‌رخان بكرێت.

 

جه‌ختى له‌وه‌شكرده‌وه‌: له‌ ئێستادا له‌ سه‌روبه‌ندى ئه‌وەداین و رێكارى یاساییمان گرتوه‌ته‌ به‌ر بزانین به‌ چى میكانیزمێك مه‌یدانى ئاژه‌ڵان بگوازینه‌وه‌ بۆ شوێنێكى دیكه‌ی دور له‌ شار، دوای ئەوەش پرۆسەی دابەشکردنی زەوی فەرمانبەران تەواو دەکرێت.