رادیۆی دەنگ

 

دواى ئه‌وه‌ى هاوڵاتیه‌ك رایگه‌یاند بەهۆی كردنەوەی ئاوی پۆندی گوندی ملەسورە نزیكە ٥ هەزار پەنجە ماسی مەترسی لەناوچونیان لەسەرە، به‌ڕێوبه‌رایه‌تى ئاودێرى گه‌رمیانیش ده‌ڵێت: هه‌ر كه‌سێك ده‌ستى له‌و بابه‌ته‌ بوبێت ده‌یده‌ینه‌ دادگا.

 

دوێنێ چیا جەلال، دانیشتوی گوندی ملەسورە لە گەرمیان، بە رادیۆی دەنگی راگەیاند: پۆندەکەی ملەسورە ساڵانە بە ئاوی بارانەوە بەندە و تاوەکو وەرزی بارانبارین دەستپێدەکات ئاوی تێدا دەمێنێت و پەنجەماسییەکی زۆریشی تێدەکرێت، بەڵام ئەمساڵ کۆمەڵێک کەس کە راو دەکەن، تەماحیان کردە ماسی گەورە و ئاوی پۆندەکەیان بەرداوەتەوە و ئاویش بۆ پەنجە ماسییەکان کەمبوەتەوە.

 

دەشڵێت: نزیکەی ٥ هەزار پەنجە ماسی خەریکە مردار دەبنەوە و لەناودەچن، داوادەکەین بیانگوازنەوە، چونکە چه‌ند رۆژی تر بەمشێوەیە بن هەمویان لەناودەچن.

 

له‌به‌رامبه‌ردا، موئه‌یه‌د ئه‌حمه‌د، به‌ڕێوبه‌رى به‌ڕێوبه‌رایه‌تى ئاودێرى گه‌رمیان بۆ رادیۆى ده‌نگ ده‌ڵێت: به‌دواداچون بۆ ئەو پرسە ده‌كه‌ین و لیژنه‌شى بۆ پێكده‌هێنین.

 

وتیشی: هه‌ر كه‌سێك ده‌ستى له‌به‌ردانه‌وه‌ى ئاوى ئه‌و پۆنده‌دا هه‌بوبێت ئه‌وا روبه‌ڕوى دادگاى ده‌كه‌ینه‌وه‌.