رادیۆی دەنگ

 

بەوتەی سەرۆکی شارەوانی رزگاریی، بڕیارە 2 دارستانی دەستكردی نوێ لە قەزاکەدا دروستبكرێت، بەمەش ژمارەی دارستانەکانی دەگەنە 6 دانە.

 

ئەرسەلان ئەحمەد، سەرۆكی شارەوانی رزگاریی، بە رادیۆی دەنگی وت: ساڵی پار کارکردنمان لە سەوزکردنی قەزاکە و بەرزکردنەوەی رێژەی سەوزایی راگرت، هۆکارەکەیشی نەبونی سەرچاوەی ئاو بو، چونکە تەنها دەمانتوانی پارێزگاریی لەو رێژە سەوزاییە بکەین کە لە شارەکەدا هەیە و تەنانەت پەنامان بردبوەبەر ئاودانیان بە تانكەر كە تێچوەكەی زۆربو.

 

وتیشی: بۆ ئەمساڵ پلانمان هەیە دەست بە زیادکردنی رێژەی سەوزایی بکەین، ئەویش بە لێدانی 4 بیری ئیرتیوازیی، لەگەڵیشیدا 2 دارستانی دەستكردی تر دروستدەکەین.

 

ئاماژەی بەوەشکرد بەم دو دارستانەوە، ژمارەی دارستانە دەستکردەکانی قەزاکە دەگاتە 6 دانە.