رادیۆی دەنگ

 

رەوتی هەڵوێست بارەگای تایبەت بەخۆی لە کەلار دەکاتەوە، ئەندامێکی رەوتەکەش دەڵێت: خانوی نێو باخێکی خۆمم تەرخانکردوە بۆ ئەو مەبەستە.

 

قادر زەندی، ئەندامی رەوتی هەڵوێست لە گەرمیان، بۆ رادیۆی دەنگ وتی: سبەینێ رەوتەکەمان لە مەراسیمێکدا بارەگای تایبەتی خۆی لە سنوری گەرمیان دەکاتەوە.

 

وتیشی: بەهۆی ئەوەی رەوتەکەمان توانای دارایی لاوازە، بۆیە باخێکی خۆمان کە خانوی تێدایە و دەکەوێتە سەر شەقامی پشتێنەیی کەلار- گردەگۆزینە، بۆ بارەگاکە  تەرخانکردوە.

 

رەوتی هەڵوێست، بزوتنەوەیەکی سیاسیی ئۆپۆزسیۆنە، بۆ یەکەمجار لە هەڵبژاردنی پەرلەمانی کوردستان بە فەرمی راگەیەنرا کاتێک بەشداریی لە پرۆسەکەدا کرد و چوار کورسی بەدەستهێنا. بۆ هەڵبژاردنی ئەنجومەنی نوێنەرانی عێراقیش، لە سێ پارێزگاکەی هەرێمی کوردستان بەشداریی کردوە.