رادیۆی دەنگ

 

بەپێی بڕیارێکی ئەنجومەنی وەزیران 47 جوتیار لە قەزای رزگاریی قەرەبو دەکرێنەوە، بەهۆی ئەوەی پێشتر زەوییەکانیان بەر ماستەرپلان و پرۆژە کەوتوە.

 

ئەرسەلان ئەحمەد، سەرۆکی شارەوانی رزگاریی، بە رادیۆی دەنگی راگەیاند: بە بڕیاری ئەنجومەنی وەزیران، لیژنەی 222 دروستکراوە بەمەبەستی قەرەبوکردنەوەی جوتیارانی سەر زەوییە کشتوکاڵییەکانی گەرمیان.

 

وتیشی: ژمارەی ئەو جوتیارانەی لە رزگاریی قەرەبو دەکرێنەوە، 47 جوتیارن کەچەند ساڵی رابردو زەوییە کشتوکاڵییەکانیان بەر ماستەرپلانی شارەکە کەوتبون.

 

دەشڵێت: رێژەی قەرەبوەکەی بۆ هەر دۆنمێک 50 مەتر چوارگۆشەیە، واتا جوتیارێک ئەگەر 4 دۆنم زەوی هەبێت، ئەوا بە زەوییەکی 200 مەتری وەکو قەرەبو پێدەدرێت.