رادیۆی دەنگ

 

نوسین لەسەر جامی پشتەوەی ئۆتۆمبێلەکان قەدەغە دەکرێت، هاتوچۆی گەرمیانیش دەڵێت لێپێچینەوە دەکەین، چونکە دەچێتە قاڵبی زیادەڕەویەوە نەك جوانكاریی. 

 

سامان عەلی، وتەبێژی بەڕێوبەرایەتی هاتوچۆی گەرمیان، بۆ رادیۆی دەنگ وتی: ئیجرائاتی یاسایی لەگەڵ ئەو ئۆتۆمبێلانە دەکەین کە نوسین و شیعر و هەر بابەتێکی تر لە پشتی جامی ئۆتۆمبێلەکانیان دەدەن، سزاکەیشی پێبژاردنە.

 

وتیشی: بەپێی یاسا و رێنماییەکانی هاتوچۆ، دانانی هەر جۆرە نووسین، شیعر، یان بابەتی زیادەی دیکە لەسەر جامی دواوەی ئۆتۆمبێلەکان قەدەغەیە، چونکە دەچێتە چوارچێوەی زیادەڕەوییە و بە سەرپێچی دادەنرێت و رێگری لە بینینێکی تەواو دەکات.