رادیۆی ده‌نگ

 

كشتوكاڵى گه‌رمیان ده‌ستى به‌ دابه‌شكردنى بنه‌تۆى پاڵپشتیكراوى خۆى كردوه‌ به‌سه‌ر جوتیاراندا به‌ نرخى 450 هه‌زار دینار بۆ هه‌ر ته‌نێك، وته‌بێژى به‌ڕێوبه‌رایه‌تیه‌كه‌ش ده‌ڵێت: تاوه‌كو ئێستا 225 جوتیار سودمه‌ندبون و پرۆسه‌كه‌ش به‌رده‌وامى هه‌یه‌.

 

ستار عه‌لى، وته‌بێژى به‌ڕێوبه‌رایه‌تى گشتى كشتوكاڵى گه‌رمیان بۆ رادیۆى ده‌نگ وتى: به‌ڕێوبه‌رایه‌تیمان ده‌ستى به‌ دابه‌شكردنى بنه‌تۆى گه‌نمى باوه‌ڕپێكراوى خۆمان كردوه‌ به‌سه‌ر جوتیاراندا، كه‌ جۆرى كه‌لار1 و شێروانه‌ و خانه‌قین و جیهانه‌.

 

وتیشى: ئه‌و جوتیارانه‌ى كه‌ پشتگیرى به‌شه‌ كشتوكاڵیه‌كانیان هه‌یه‌، ده‌توانن سودمه‌ند بن، تاوه‌كو ئێستاش 225 جوتیار سودمه‌ندبوه‌ و پرۆسه‌كه‌ش به‌رده‌وامیى هه‌یه‌.

 

ده‌شڵێت: بڕى زیاتر له‌ 750 ته‌ن گه‌نم ئاماده‌كراوه‌ و تاوه‌كو ئێستاش 300 ته‌ن دابه‌شكراوه‌، هاوكات به‌ نرخى 450 هه‌زار دینارى پاڵپشتیكراوى وه‌زاره‌تى كشتوكاڵ به‌ رێژه‌ى %60.