‌ 

رادیۆی دەنگ

 

به‌ڕێوبه‌رى بەڕێوبەرایەتی نه‌خشه‌دانانى ئاوه‌دانى گه‌رمیان ده‌ڵێت: نه‌خشه‌ى زه‌وى فه‌رمانبه‌ران له‌ قه‌زاى كه‌لار ته‌واو بوه‌ كه‌ خۆى له‌ نزیكه‌ى 30 هه‌زار پاره‌چه‌ زه‌وى ده‌بینێته‌وه‌.

 

سامان مه‌حمود، به‌ڕێوبه‌رى به‌ڕێوبه‌رایه‌تى نه‌خشه‌دانانى ئاوه‌دانى گه‌رمیان بۆ رادیۆى ده‌نگ وتى: نه‌خشه‌ى زه‌وى فه‌رمانبه‌ران له‌ قه‌زاى كه‌لار ته‌واو بوه‌ كه‌ خۆى له‌ دو قۆناغ ده‌بینێته‌وه‌.

 

وتیشى: ئه‌و زه‌ویانه‌ى كه‌ نه‌خشه‌مان بۆ كردوه‌ له‌ كه‌لار نزیكه‌ى 30 هه‌زار پارچه‌ زه‌وییە.

 

هێماى بۆ ئه‌وه‌شكرد: له‌ كه‌لار نزیكه‌ى 18 هه‌زار فه‌رمانبه‌ر ناوى گه‌ڕاوه‌ته‌وه‌ و سودمه‌ند ده‌بێت له‌ وه‌رگرتنى زه‌وى، ئه‌و 12 هەزار پارچەیەشی كه‌ ده‌مێنێته‌وه‌، بەشێکی بۆ قه‌رەبوكردنه‌وه‌ى جوتیاره‌كان دانراوه‌ کە زەوییەکانیان بەر ئەو پرۆژەیە دەکەوێت، بەشەکەی تریشی ئەو زه‌وییانەن کە‌ روكنن و بۆ شارەوانی دادەنرێن و نادرێن به‌ فه‌رمانبه‌ر.