رادیۆی دەنگ

 

لەهەمان ئەو ئێوارەیەی ئەکبەر حاجی رۆستەم کوژرا، کەسێکی تریش لە گەرمیان بریندارکراوە و دوای دو رۆژ گیانی لەدەستدا.

 

سەرچاوەیەکی ئەمنی تایبەت بە رادیۆی دەنگی وت: هەمان ئێوارە کە روداوی کوشتنی ئەکبەری حاجی رۆستەم رویداوە، لە قەزای کفری گەنجێک بریندار کراوە.

 

وتیشی: ئەوکات وابڵاوکرایەوە کە گەنجەکە فیشەکی لەدەست دەرچوە و بریندار بوە، بەهۆی سەختی برینەکەیشییەوە رەوانەی نەخۆشخانەی سليمانی کرا.

 

ئەم بەیانییەش دوای دو رۆژ لە روداوەکە، گەنجەکە لە نەخۆشخانە گیانی لەدەستداوە.

 

وتیشی: هاوڕێیەکی گەنجەکە کە تۆمەتبارە بە تەقەکردن لە کوڕە کوژراوەکە و بریندارکردن و دواتر گیان لەدەستدانی، ئەم بەیانییە و دوای گیان لەدەستدانی هاوڕێکەی، لە گەرمیان دەستگیرکراوە.