رادیۆی دەنگ

 

لەکاتێکدا شەقام و شۆستە موڵکی گشتییە، بەڵام شەقامی مارینا کە بە شەقامی کۆڕنیشەکەی کەلار ناسراوە، لەلایەن کۆمپانیاوە خاوەندارێتی دەکرێت، ئەمەش چالاکوانانی نیگەران کردوە.

 

ئەیاد محەمەد، چالاکوان، بۆ رادیۆی دەنگ وتی: ئەو راستە شەقامەی دەچێتە سەر روباری سیروان کە ناوی شەقامی مارینایە، شەقامێکی گشتییە.

 

لە شەقامەکەدا ناوە ناوە چالاکی وەکو فیستیڤاڵی بازاڕ ئەنجام دەدرێت، هاوکات کوشک و کەپریشی تێدا دراوە بەکرێ.

 

بەوتەی ئەیاد محەمەد، کۆمپانیا مافی نییە دوکان و سەرشەقامەکە بەکرێ بدات، هەروەک کۆمپانیا مافی ئەوەی نییە زیادەڕەویی بکاتە سەر ئەو شەقامە.

 

وتیشی: "دەبێت لایەنی پەیوەندیدار یەکلایبکاتەوە ئەم شەقامە موڵکی کۆمپانیایە یان موڵکی گشتییە؟"

 

بۆ بەدواداچونی ئەم پرسە، رادیۆی دەنگ پەیوەندی بە بەڕێوبەری گشتی وەبەرهێنانی گەرمیان و سەرۆکی شارەوانی کەلار و بەڕێوبەری کۆمپانیای ماریناوە کرد، بەڵام پەیوەندییەکانیان بێوەڵام بو.

 

بەوتەی ئەیاد محەمەد، حکومەت لەم پرسەدا کەمتەرخەمە، لەوبارەوە وتی: "ئەگەر کەمتەرخەم نەبێت، کۆمپانیا چۆن دەتوانێت کۆشک بداتە کرێ و فیستیڤاڵ ئەنجام بدات و رێگریی لەخەڵک بکات؟"