رادیۆی دەنگ

 

‎وتەبێژی بەڕێوبەرایەتی تەندروستی گەرمیان باس لەوەدەكات لیژنەی تایبەتمەندیان پێكهێناوە بۆ چاودێریی سەنتەرەكانی جوانكاریی و كلینكەكان و لەبونی سەرپێچیدا ئیجرائات دەکەن.

 

‎ئازاد محەمەدفەرەج، وتەبێژی بەڕێوبەرایەتی گشتی تەندروستی گەرمیان، بە رادیۆی دەنگی وت: لیژنەی تایبەتمان لە کەسانی پسپۆڕ و شارەزا پێکهێناوە بۆ چاودێرییکردنی سەنتەرەکانی جوانکاریی و کلینکەکان.

 

‎وتیشی: لیژنەکە پێکهاتوە لە 3 پزیشک و دو کارمەندی یاسایی و ئیداریی، سەردانی سەنتەرەکانی جوانکاریی و کلینکەکان دەکەن.

 

‎باس لەوەشدەکان: لیژنەکە راپۆرت لەبارەی هەر سەرپێچیەک لە هەر سەنتەر و کلینکێکدا هەبێت بەرزدەکەنەوە بۆ سەرۆکایەتی دیوانی تەندروستی گەرمیان، ئێمەش بەپێی یاسا و رێنماییەکان ئیجرائاتیان لەگەڵدا دەکەین.