رادیۆی دەنگ

 

به‌ڕێوبه‌رى ئاوى ژێر زه‌وى گه‌رمیان ده‌ڵێت: له‌ سنورى گه‌میان نزیكه‌ى 2 هه‌زار بیرى نایاسایی هه‌یه‌، جه‌ختیش ده‌كاته‌وه‌، لێدانى بیرى نایاسایی له‌ چاو ساڵانى رابردو كه‌میكردوه‌.

 

حامد جومعه‌، به‌ڕێوبه‌رى به‌ڕێوبه‌رایه‌تى ئاوى ژێرزه‌وى گه‌مه‌رمیان بۆ رادیۆى ده‌نگ باسى له‌وه‌كرد: له‌ سنورى گه‌رمیان نزیكه‌ى 2 هه‌زار بیرى نایاسایی بونى هه‌یه‌، ئه‌گه‌رچى ئه‌م داتایه‌ ورد نییە، بەڵکو بە خه‌مڵاندن پێی گەیشتوین‌ كه‌ رێژه‌كه‌ ئه‌وه‌نده‌یه‌.

 

ده‌شڵێت: لێدانى بیرى نایاسایی به‌رده‌وامى هه‌یه‌، به‌ڵام له‌ چاو ساڵانى رابردو‌ كه‌مى كردوه‌، چونكه‌ لیژنه‌ ئه‌منیه‌كان به‌به‌رده‌وامى به‌دواداچونیان هه‌یه‌ و چه‌ندنین ئامێریان ده‌ستبه‌سه‌ردا گرتوه‌.

 

هێماى بۆ ئه‌وه‌شكرد: ئه‌و بیرانه‌شى كه‌ هه‌یه‌ هیچ زانیارییه‌كمان نیه‌ له‌سه‌ریان كه‌ قوڵییان چه‌نده‌ و ده‌كه‌ونه‌ چ شوێنێكه‌وه‌.