رادیۆی دەنگ

 

وابڕیاربو 133 فه‌رمانبه‌رى گرێبه‌ست بۆ یه‌كه‌ ئیدارییه‌كانى گه‌رمیان دابمه‌زرێن، به‌ڵام تاوه‌كو ئێستا ده‌ست به‌كارنه‌بون، ئیداره‌ى گه‌رمیانیش ده‌ڵێت: چاوه‌ڕوانى ئه‌نجومه‌نى وه‌زیرانیین.

 

چۆمان ئه‌حمه‌د، به‌رپرسى راگه‌یاندن و په‌یوه‌ندییه‌كانى ئیداره‌ى گه‌رمیان، بۆ رادیۆى ده‌نگ باسى له‌وه‌كرد: ئه‌و 133 فه‌رمانبه‌ره‌ كه‌ بۆ یه‌كه‌ ئیدارییه‌كانى گه‌رمیان دامه‌زرێنراون هه‌مو رێكاره‌كانیان ته‌واو بوه‌ و له‌ ئه‌نجومه‌نى وه‌زیرانه‌.

 

جه‌ختى له‌وه‌شكرده‌وه‌: تاوه‌كو ئێستا ده‌ستبه‌كاربونیان بۆ نه‌كراو به‌هۆى ئه‌و دۆخه‌ى كه‌ هه‌یه‌ له‌گه‌ڵ عێراقدا و چاوه‌ڕوانى ئه‌نجومه‌نى وه‌زیرانین به‌ نوسراوى فه‌رمى وه‌ڵاممان بداتەوه‌ و رێكاره‌كان ده‌ستپێبكه‌ین.