رادیۆی دەنگ

 

هاوڵاتییەک کە مناڵەکەی لە کۆمەڵگەی پەروەردەیی نێودەوڵەتی کەلارە دەڵێت: ئەو جلانەی دەیدەنە منداڵەکانمان نرخیان گرانە و کوالێتیان خراپە، قوتابخانەکەش دەڵێت: هەرجلێک خراپبێت دەیگەڕێنینەوە و بە کوالێتی باشتر دەیدەینەوە قوتابییەکان.

 

هاوڵاتییەک کە مناڵەکەی لە قوتابخانەی کۆمەڵگەی پەروەردەیی نێودەوڵەتی کەلارە ئەم وێنانەی ناردوە بۆ رادیۆی دەنگ و دەڵێت: مناڵەکەم ۲ جار ئەم جلەی لەبەر کردوە، بەم شێوەیە خراپ بوە.

 

وتیشی: کوالێتی جلەکە زۆر خراپە، لەبەرامبەر پێدانی ئەو جلەش بە مناڵەکانمان تائێستا ٥۰ هەزاردیناریان لێوەرگرتوین، ئەگەر ماوەیەکی دیکە جلی زستانەش دابەش بکەن دەبێت بڕێک پارەی دیکە بدەین.

 

لەبەرامبەردا مامۆستایەک کە لەقوتابخانەکەیە و نەیویست ناوی بهێنرێت بۆ رادیۆی دەنگ وتی: راستە کوالێتی بەشێک لە جلەکان خراپە، قسەمان لەگەڵ کۆمپانیاکە کردوە و بەم نزیکانە هەر پارچەیەک کوالێتی خراپە، دەیگەڕێنینەوە و بەکوالێتی باشتر دەیدەینەوە بە قوتابییەکان.

 

وتیشی: بۆ هەر قوتابییەک سێتێک جل لەخۆی دەگرێت کە هاوینە و زستایە و بەهەردوکیەوە ۷ پارچەیە، ئێستە ۳ پارچەی هاوینە هاتوە.

 

دەشڵێت: جلەکە تا پۆلی ٤ بە ۷٥ هەزارە و لەپۆلی ٥ بۆ ۷ بە ٨۳ هەزارە و لە پۆلی ٨ بۆ ۱۲ بە ۹۳ هەزارە.