رادیۆی دەنگ

 

دواى ئه‌وه‌ى به‌هۆى قه‌ده‌غه‌كردنى مه‌ره‌زه‌ له‌سه‌ر پرۆژه‌ ئاودێرییه‌كان كۆمه‌ڵێك جوتیار مه‌ره‌زه‌یان كردوه‌ و دراونه‌ته‌ دادگا، بەڕێوبەری ئاودێری گەرمیانیش دەڵێت: بابه‌ته‌كه‌ له‌ دادگایه‌ و جارێ یه‌كلایی نه‌بوه‌ته‌وه‌.

 

موئەیەد ئەحمەد، بەڕێوبەری بەڕێوبەرایەتی ئاودێریی گەرمیان، بە رادیۆی دەنگی وت: دواى ئه‌وه‌ى لە  دادگا سكاڵامان تۆماركردوە لەو جوتیارانەی كە مەرەزەیان كردوە، چونكە بەزیادەڕەویی هەژماردەكرێت، نزیكه‌ى 7 كه‌سیان ده‌ستگیركران و به‌ كه‌فاله‌ت ئازاد كراون. 

 

وتیشى: دۆسیه‌كه‌ له‌ دادگایه‌ و تاوه‌كو ئێستایه‌كلانه‌بوه‌ته‌وه‌، چونكه‌ كۆمه‌ڵێك كه‌سى دیكه‌یان هه‌یه‌ ده‌ستگیرنه‌كراون.

 

باسى له‌وه‌شكرد: به‌ بڕیارى دادگا ده‌بێت ئه‌و مه‌ره‌زه‌یه‌ى كردویانه‌ لایبه‌رن، ئه‌گه‌رچى تاوه‌كو ئێستا دۆسیه‌كه‌ یه‌كلانه‌بوه‌ته‌وه‌ کە كۆتا بڕیار چییه‌.

 

دەشڵێت: ئەو كەسانەی مەرەزەیان لەسەر پڕۆژە ئاودێرییەكان كردوە زیادەڕەوییە، بەڵام ئەگەر لەسەر سیروان بێت گرفتی نییە. 

 

ئه‌مه‌ له‌ كاتێكدایه‌، رۆژی 5ـی حوزەیرانی ئەمساڵ، بەڕێوبەرایەتی ئاودێریی گەرمیان لەراگەیەنراوێکدا ئاشکرای کرد مەرەزەکردن و چاندنی گەنمە شامی لەسەر هەریەکە لە پڕۆژەئاودێریەکانی (باڵەجۆ، شێخ لەنگەر و سەلام) بەهەمو جۆرێک قەدەغەیە، ئەم بڕیارەش بەهۆی دابەزینی ئاستی ئاوی روباری سیروانەوە دراوەکە پێداویستی تەواوی ناوچەکان پڕناکاتەوە.