رادیۆی دەنگ

 

وابڕیاربو 3 پۆند له‌ گه‌رمیان دروستبكرێن، به‌ڵام تاوه‌كو ئێستا ده‌ست بە دروستکردنیان نەکراوە‌، به‌ڕێوبه‌رى ئاودێرى گه‌رمیانیش ده‌ڵێت: ته‌نها گرێبه‌ستى كۆمانیاكان ماوه‌ ئه‌نجام بدرێت.

 

موئه‌یه‌د ئه‌حمه‌د، به‌ڕێوبه‌رى به‌ڕێوبه‌رایه‌تى ئاودێریی گه‌رمیان، بۆ رادیۆى ده‌نگ وتى: ئه‌و سێ پۆنده‌ ته‌نده‌رینى بۆ كراوه‌ و بۆ 3 كۆمپانیا ده‌رچوه‌، هه‌مو رێكاره‌كانى ته‌واو بوه‌ ته‌نها ئه‌وه‌ ماوه‌ گرێبه‌ست له‌گه‌ڵ كۆمپانیاكان بكرێت له‌ ئیداره‌ى گه‌رمیان.

 

وتیشى: چاوه‌ڕوان ده‌كرێت له‌م هه‌فته‌یه‌دا ده‌ستبه‌كار ببن.

 

هێماى بۆ ئه‌وه‌شكرد: ئه‌و پۆندانه‌ش ده‌كه‌ونه‌ گوندى توكن و گۆمه‌ به‌حرى و نه‌وجول.

 

جه‌ختى له‌وه‌شكرده‌وه‌: گوژمه‌ى هه‌رسێ پۆنده‌كه‌، زیاتره‌ له‌ 2 ملیار دینار.