رادیۆی دەنگ

 

3 کادیری سەر بە بەرەی گەل لەگەرمیان، ئێوارەی ئەمڕۆ بانگهێشتی دەزگا ئەمنییەکان کراون و دەستبەسەر کراون.

 

بە گوێرەی زانیارییەکانی رادیۆی دەنگ کە لە چەند سەرچاوەیەکی نزیک بە دەستگیرکراوەکان و رێکخستنەکانی بەرەی گەل دەستیکەوتوە، هەریەکە لە: نەوزاد کەریم، رێبوار عەبدولکەریم و عەباس محەمەد، ئێوارەی ئەمڕۆ بانگهێشتکراون بۆ بینای ئاسایشی گەرمیان و لەوکاتەوە دەنگیان نییە و گومان دەکرێت دەستبەسەر کرابن.

 

دەستگیرکراوەکان بە پیشە مامۆستا و فەرمانبەرن و دانیشتوی قەزای کەلار و ناحییەی رزگاریین و کادیری بەرەی گەلن لە سنورەکەدا.

 

بەوتەی سەرچاوەکان، هۆکاری بانگهێشت و دەستبەسەرکردنیان نازانرێت، رەنگە پەیوەندیی بە روداوەکانی ئەم دواییەی دەستگیرکردنی لاهور شێخ جەنگی- سەرۆکی بەرەی گەلەوە هەبێت لە سلێمانی.