رادیۆی ده‌نگ

 

سه‌رله‌به‌یانى ئه‌مڕۆ دەستەی داکۆکی لە مافی مامۆستایان و فەرمانبەرانی ناڕازیی، خۆپیشاندانێكیان له‌ به‌رده‌م به‌ڕێوبه‌رایه‌تى په‌روه‌رده‌ى سلێمانى خۆپیشاندانێكیان دژ به‌ پێنه‌دانى موچه‌ ئه‌نجام دا.

 

له‌ به‌یاننامه‌ى خۆپیشاندانه‌كه‌دا ڕایانگه‌یاند كه‌ حكومه‌تى هه‌رێم موچەی فەرمانبەرانی وەک بارمتە گرتووە لە پێناو کۆمپانیاکانی بنەماڵەدا.

 

داواش ده‌كه‌ن حکومەتی هەرێم رێزی ئەو رێککەوتننامەیە بگرێت کە له‌گه‌ڵ به‌غدا واژۆی کردوە و داهاتی نەوتی و نانەوتیی راده‌ست بكات.

 

هۆشدارییشده‌دات له‌وه‌ى "هیچ دەسەڵات و حکومەتێک مافی ئەوەی نییە یاری بە قوت و ژیانی میللەتێک بکات بۆ بەرژەوەندیی شەخسی و قاچاخچێتیی نەوت".

 

هه‌روه‌ك ره‌خنه‌شیان له‌حكومه‌تى عێراقی گرت و باسیان له‌وه‌كرد عێراق باجی هەرێمی کوردستان بە فەرمانبەرانی هەرێمی کوردستان ده‌دات.

 

ده‌شڵێن: 43 جار سەردانی بەغدادمان کردوە، بەداخەوە ئەوانیش کەوتونەتە ژێر چەتری ململانێی سیاسییەوە.