رادیۆی دەنگ

 

 نه‌بونى سەرئاو "ته‌والێت" یەکێکە لە کەموکورتیی ‌پاركه‌ گه‌وره‌ و خێزانییە‌كان له‌ كه‌لار، بەرپرسێکی شاره‌وانى كه‌لاریش ده‌ڵێت: پلانمان هه‌یه‌ له‌ هه‌مو پاركه‌كان دایبنێین، به‌ڵام كێشه‌ى بودجه‌مان هه‌یه‌.

 

ئارام نه‌جمه‌دین، به‌ڕێوبه‌رى به‌شى باخچه‌كان له‌ شاره‌وانى كه‌لار، بۆ رادیۆى ده‌نگ وتى: له‌ پلانماندایه ته‌والێت له‌ نێو پاركه‌ گه‌وره‌ و خێزانییەكاندا دروستبکەین‌، به‌جۆرێك پارکی شه‌هید حه‌مه‌ڕه‌ش هه‌م له‌ روى ته‌والێت و ‌ هه‌م له‌ڕوى روناكییه‌وه‌ كارمان له‌سه‌ر كردوه‌ و شتێكى گونجاومان بۆ ئامادە كردوه‌.

 

وتیشى: بۆ پاركه‌كانى دیکەش هه‌مان پلان و به‌رنامه‌مان هه‌یه‌ کە ئه‌و كاره‌ بكه‌ین، به‌ڵام كێشه‌ى بودجه‌مان هه‌یه‌.

 

جه‌ختى له‌وه‌شكرده‌وه‌: ئێمه‌ بودجه‌ى تایبه‌ت به‌ خۆمان نیه‌ و به‌ڕێوبه‌رایه‌تى نین وه‌ك شاره‌كانى ترى هه‌رێم كه‌ بودجه‌ و ستافى خۆیان هه‌یه‌، بۆیه‌ ناتوانین خزمەتگوزاریی بۆ هه‌مو پاركه‌كان به‌یه‌كه‌وه‌ دابین بکەین.