رادیۆی دەنگ

 

وه‌ك قه‌ره‌بویه‌ك بۆ ئه‌و جوتیار و خاوه‌ن ئاژه‌ڵانه‌ى كه‌ به‌هۆى وشكه‌ساڵییه‌وه‌ توشى زیان بون، داواكراوه‌ نزیكه‌ى 7 ملیار دینار ته‌رخان بكرێت، بەرپرسێک لە كشتوكاڵى گه‌رمیان ده‌ڵێت: تاوه‌كو ئێستا هیچ وه‌ڵامدانه‌وه‌یه‌ک بۆ ئەم داوایە نه‌بوه‌.

 

ئیسماعیل محه‌مه‌د، به‌ڕێوبه‌رى به‌شى خزمه‌تگوزاریی كشتوكاڵى له‌ به‌ڕێوبه‌رایه‌تى گشتى كشتوكاڵى گه‌رمیان، بۆ رادیۆى ده‌نگ وتى: بۆ ئه‌مساڵ گه‌رمیان روبه‌ڕوی ‌ وشكه‌ساڵیی نیمچەیی بوەوه‌، بۆ ئه‌و مه‌به‌سته‌ش له‌گه‌ڵ لایه‌نه‌ په‌یوه‌ندیداره‌كان كۆبونه‌وه‌ى تایبه‌ت به‌ خۆمان كردوه‌ و راپۆرتى تایبه‌ت به‌ خۆمان ئاماده‌كردوه‌. 

 

باسى له‌وه‌شكرد: راپۆرتەکەمان لەگەڵ پێشنیازەکانی خۆمان ئاراستەی وەزارەتمان کردوە، تیایدا داوامانكردوه‌ نزیكه‌ى 7 ملیار دینارمان بۆ ته‌رخان بكرێت بۆ ئه‌وه‌ى ساڵى داهاتو بنه‌تۆ بۆ جوتیاران و ئالیك بۆ ئاژه‌ڵداران دابین بكه‌ین.

 

جه‌ختى له‌وه‌شكرده‌وه‌: تاوه‌كو ئێستا هیچ وه‌ڵامدانه‌وه‌یه‌ك نه‌بوه‌ له‌ وه‌زاره‌تمانه‌وه‌ بۆ ئەو داوایە و چاوه‌ڕوانى وه‌ڵامین.