رادیۆی دەنگ

 

سه‌ربارى ئه‌وه‌ى بۆ ماوه‌ى 2 هه‌فته‌ دەوامی ئێوارانی لیژنەی‌ پزیشكیی هەمیشەیی گه‌رمیان كرایه‌وه‌، به‌ڵام له‌ ئێستادا كاره‌كانى راگیراوه‌، لێپرسراوی لیژنه‌کەش ده‌ڵێت: هۆكاره‌كه‌ى كه‌مى ستافه‌.

 

ئامانج سه‌ڵاح، لێپرسراوى لیژنه‌ى پزیشكیی هه‌میشه‌یی گه‌رمیان، بۆ رادیۆى ده‌نگ باسى له‌وه‌كرد: بەشی نیمچەتایبەت "سیمى پرایڤت"ـمان لە لیژنەکەماندا کردەوە بۆ ئەوەی ئەو هاوڵاتیانە بە بەیانیان بۆیان ناکرێت،  دوانیوەڕوانمان سەردانمان بکەن، ئەوەبو بۆ ماوه‌ى 2 هه‌فته‌ و بە فەرمانی وەزاریی ده‌ستبەكاربوین، به‌ڵام له‌ ئێستادا كاره‌كانیمان راگرتوه‌.

 

ده‌شڵێت: هۆكاره‌كه‌ى كه‌می ستافە،  هەربۆیە ئێستا به‌پێى رێنماییه‌كان ناوه‌كانمان به‌رزكردوه‌ته‌وه‌ بۆ وه‌زاره‌تمان و چاوه‌ڕوانی گه‌ڕانه‌وه‌ى ناوه‌كانین بۆ ئه‌وه‌ى ده‌ست به‌كارببینه‌وه‌.

 

بەشی نیمچە تایبەتی لیژنه‌ى پزیشكى هه‌میشه‌یی گه‌رمیان،‌ به‌پێى رێنماییه‌كانی وەزارەتی تەندروستی، دەبێت له‌ كاتژمێر 1 بۆ 3ـی دواى نیوه‌ڕۆ كاره‌كانیان لە پشکنینی پزیشکی وەکو پشکنینی چاو و پشکنینی فێرخوازان و دۆسییەکانی سەربازیی و هیتر، ئه‌نجام بده‌ن؛ ئه‌مه‌ش له‌ به‌رامبه‌ر بڕێک پاره‌، جیاواز له‌ كاره‌كانى دەوامی به‌یانیان.