رادیۆی دەنگ

 

بۆ روبه‌ڕوبونه‌وه‌ى گرفتى كه‌مئاویی له‌ قه‌زاى كفرى كار له‌سه‌ر ئه‌وه‌ کراوە‌ ئاو له‌ ناحیه‌ى سه‌رقه‌ڵاوه‌ ببرێت بۆ قه‌زاكه‌، به‌ڕێوبه‌رى فه‌رمانگەی ئاوى كفریش ده‌ڵێت: ئه‌و پرۆژه‌یه‌ له‌ وه‌زاره‌ته‌.

 

حه‌مید ره‌شید، به‌ڕێوبه‌رى فه‌رمانگه‌ى ئاوى قه‌زاى كفرى، بۆ رادیۆى ده‌نگ وتى: به‌هۆى وشكه‌ساڵیه‌وه‌ بۆ ئه‌مساڵ ئاستى ئاوى بیره‌کان و به‌نداوه‌كه‌ش دابه‌زیوه‌ و ورده‌ورده‌ روبه‌ڕوى كێشه‌ى كه‌مئاویی ده‌بینه‌وه‌.

 

وتیشى: بۆ چاره‌سه‌رى گرفتى كه‌مئاوىی پلانى ئه‌وه‌مان هه‌یه‌ له‌ ناحیه‌ى سه‌رقه‌ڵا بیر لێبدرێت و له‌وێوه‌ رابكێشرێت بۆ قه‌زاكه‌.

 

هێماى بۆ ئه‌وه‌شكرد: پرۆژەكه‌ له‌ به‌ڕێوبه‌رایه‌تى گشتى ئاو و ئاوه‌ڕۆى هه‌رێمه‌ بۆ ئه‌وه‌ى ده‌رخسته‌ى بۆ بكرێت و چاوه‌روانى وه‌ڵامى ئه‌وانین بۆ ئه‌وه‌ى بتوانین كارى له‌سه‌ر بكه‌ین.