رادیۆی دەنگ

 

له‌ كه‌لار كه‌مترین پاركى گه‌وره‌ بونى هه‌یه‌، به‌ڕێوبه‌رى به‌شى باخچه‌كان له‌ شاره‌وانى قەزاکەش هۆکارەکەی گرێدەداتەوە بە "نه‌بونى بودجه‌".

 

ئارام نه‌جمه‌دین، به‌ڕێوبه‌رى به‌شى باخچه‌كان له‌ شاره‌وانى كه‌لار، بۆ رادیۆى ده‌نگ باسى له‌وه‌كرد: پارك دروستكراوه‌، به‌ڵام شتى گه‌وره‌ نیه‌ و بچوكه‌، ئه‌مه‌ش به‌هۆی نه‌بون بودجه‌وه‌یه‌ كه‌ نه‌مانتوانیوه‌ دروستى بكه‌ین، له‌گه‌ڵ ئه‌وه‌شدا ئه‌م به‌شه‌ى ئێمه‌ بودجه‌ تایبه‌ت به‌ خۆى نیه‌.

 

وتیشى: له‌ نێوانی گه‌ڕه‌كه‌كان چه‌ندین شوێنی باخچه‌ و پارك هه‌یه‌ و له‌م قه‌یرانه‌دا زیندومان كردوه‌ته‌وه‌ و كارمان له‌سه‌ر كردوه‌.

 

هێماى بۆ ئه‌وه‌شكرد: یه‌كێكى تر له‌ كێشه‌كان نه‌بونى ده‌ستیكاره‌ به‌هۆى نه‌بونى دامه‌زراندنه‌وه‌، چونكه‌ لەکاتێکدا ساڵانە رێژه‌ى سه‌وزایی زیاد ده‌كات، ژمارەی كارمه‌ند كه‌م دەکات و جێگره‌وه‌شى نیه‌.