رادیۆی دەنگ

 

گرفتی گواستنەوە "ئیحالەكردن"ـی نەخۆش لە گەرمیانەوە بۆ سلێمانی تائێستا بەردەوامی هەیە و چارەسەرنەكراوە، وتەبێژی تەندروستی گەرمیانیش دەڵێت: چارەسەركردنی قورسە، چونكە چەند بەشێكمان نییە و دەبێت حاڵەتەکانیان بنێرینە سلێمانی.

 

ئازاد محەمەدفەرەج، وتەبێژی بەڕێوبەرایەتی گشتی تەندروستی گەرمیان، بە رادیۆی دەنگی وت: ئیحالەكردنی نەخۆش تا ئێستا بەردەوامی هەیە، بەهۆی چەند هۆكارێكیشەوە چارەسەركردنی قورسە.

 

وتیشی: ئەو هۆكارانە خۆی دەبینێتەوە لە نەبونی كارمەند و نەبونی پزیشكی پسپۆڕ و هەروەها نەبونی چەند بەشێك كە ئەوانیش بەشی چاودێری ورد، بەشی سوتاوی، بەشی هەرس و جگەر، بەشی مێشك و دەمار و بەشی قەستەرەن.

 

پێشتر لێپرسراوی پێشوی بەشی کردە پزیشکییەکان لە تەندروستی گەرمیان، باسی لەوەکردبو کە مانگانە نزیکەی 100 حاڵەتی گواستنەوەی نەخۆشیان هەیە بۆ سلێمانی.