رادیۆی دەنگ 

 

به‌هۆى وشكه‌ساڵیه‌وه‌ 15 گوند له‌ گه‌رمیان روبه‌ڕوى كه‌مئاوى یان وشكبونى سه‌رچاوه‌كانى ئاویان بونه‌ته‌وه‌، به‌ڕێوبه‌رى ئاوى ده‌وروبه‌رى گه‌رمیانیش ده‌ڵێت: بۆ چارەسەری کێشەکەیان 1 ملیار دینارمان دەوێت.

 

نەوزاد حه‌مید، به‌ڕێوبه‌رى به‌ڕێوبه‌رایه‌تى ئاوى ده‌وروبه‌رى گه‌رمیان، بۆ رادیۆى ده‌نگ باسى له‌وه‌كرد: به‌هۆى وشكه‌ساڵیی و كه‌مبارانییه‌وه‌، 15 گوندمان له‌ ئێستادا روبه‌ڕوى كه‌مئاوىی بونەته‌وه‌.

 

وتیشى: هیچ پێشینه‌یه‌كى فریاكه‌وتنمان له‌به‌رده‌ستدا نیه‌ بۆ ئه‌وه‌ى چاره‌سه‌رى بكه‌ین ئه‌مه‌ش كێشه‌یه‌ بۆ ئێمه‌، به‌ڵام به‌ نوسراوى فه‌رمى داواى 1 ملیار دینارمان كردوه‌ بۆ ئه‌وه‌ى چاره‌سه‌رى كێشه‌ى كه‌مئاویی له‌و گوندانهدا‌ بكرێت و سه‌رچاوه‌ى ئاوى دیكه‌یان بۆ دروست بكرێت و كێشه‌كه‌ به‌ یه‌كجارى چاره‌سه‌ر بكرێت.

 

جه‌ختى له‌وه‌شكرده‌وه‌: چاوه‌ڕوانى وه‌زاره‌تمانین تاوه‌كو ئێستا هیچ وه‌ڵامدانه‌وه‌یه‌ك نیه‌ بۆ ته‌رخانكردنى ئه‌و بڕه‌ بودجه‌یه‌.