رادیۆی ده‌نگ
عه‌لی عوسمان شاكه‌لی، گه‌نجێكى ته‌مه‌ن (30) ساڵه‌ى گه‌رمیانه، به كاری جوتیارییه‌وه سه‌رقاڵه و سه‌وزه‌ى جۆراوجۆر به‌رهه‌مدێنێت، یه‌كێك له‌وانه پیازه، كه ساڵی پار 30 ته‌ن و ئه‌مساڵیش تائێستا 5 ته‌ن به‌رهه‌میان هه‌بوه.
عه‌لی بۆ رادیۆی ده‌نگ وتى: یه‌كێك له كێشه‌كانى به‌رهه‌مى پیاز، پاككردنێتى، به‌شێوه‌یه‌ك ساڵانه پاره و توانایه‌كى زۆر له‌وه‌دا به خه‌رج ده‌ده‌ین، بۆیه بیرم له‌وه‌كرده‌وه به دروستكردنى ئامێرێكى تایبه‌ت، ئه‌م باره له‌سه‌ر خۆم سوك بكه‌م.
رونیكرده‌وه: ئامێره‌كه‌م به هاوكارى "وه‌ستا مه‌سعود" به‌شێوه‌یه‌كى زۆر ساده و سه‌ره‌تایی و دروستكردوه، كه كارى پاككردنه‌وه‌ى به‌رهه‌مى پیاز و لابردنى گه‌ڵا و ریشكه‌كه‌ى ده‌كات و ته‌نها یه‌ك كرێكاریشى پێویسته، له ماوه‌ى 90 خوله‌كیشدا ده‌توانێت ته‌نێك پیاز پاك بكات.
له گه‌رمیان و كوردستاندا پیاز له هاویناندا دێته به‌رهه‌م و جوتیارێكى زۆریش كار له به‌رهه‌مهێنانى دا ده‌كه‌ن، له‌و ماوه‌یه‌شدا رێگه به هاورده‌كردنى نادرێت، ئه‌مه‌ش واده‌كات هانده‌رێك بێت بۆ چاندنى.
پێشتریش وه‌زاره‌تى كشتوكاڵی هه‌رێم ئاماژه‌ى به‌وه‌دابو، هه‌رێم له به‌رهه‌مى پیازدا گه‌یشتوه‌ته ئاستى خۆبژێوی، به‌ڵام به‌هۆی نه‌بونى كۆگا بۆ هه‌ڵگرتنى، له وه‌رزه سارده‌كاندا ناچار ده‌بن پیاز له ده‌ره‌وه هاورده بكه‌ن.
- دوایین بابەتەکان
-
هەواڵئهو بڕه كاره‌با زیاده‌یەی ده‌درا به گه‌رمیان ئه‌مساڵ نادرێت
-
-
راپۆرتئێران چۆن توانی "قوبە ئاسنینەکەی ئیسرائیل" ببڕێت؟
-
-
هەواڵئهو هاوڵاتیانه‌ى كارتى نیشتیمانیان نییە ده‌توانن فۆرمی ئۆنلاینی خۆراک تۆمار بكه‌ن
-
-
هەواڵداوای تەسلیم بونی ترامپ و بڕیاری سازش نەکردنی خامنەیی… روداوەکانی ئێران و ئیسرائیل لە 24 کاتژمێردا
-
-
هەواڵناوى ئەو كه‌مده‌رامه‌تانەی بڕیارە له گه‌رمیان شوقە وەربگرن یه‌كلانه‌بوه‌ته‌وه
-
زۆرترین بینراوەکان
