رادیۆی ده‌نگ- هونه‌ر ئه‌حمه‌د

 

زۆرجار گله‌یی ئه‌وه‌ له‌ زانكۆكانمان ده‌كرێت، كه‌ كاره‌كانیان زۆرتر تیۆریین و كه‌متر خۆیان له‌ بابه‌ت گه‌لێك ده‌ده‌ن كه‌ راسته‌وخۆ په‌یوه‌ست بن به‌ ژیانى رۆژانه‌ى هاوڵاتیانه‌وه‌، به‌ڵام چوار فێرخوازى زانكۆ له‌ گه‌رمیان، ده‌یانه‌وێت ئه‌م بۆچونه‌ باوه‌ تێپه‌ڕێنن.

 

شایسته‌ عه‌داله‌ت و ئالا كه‌مال و ئاڤان عه‌لی و هاوڕێ جه‌بار، ئه‌و چوار فێرخوازه‌ى به‌شى سامانى ئاژه‌ڵن له‌ كۆلێژی ته‌كنیكی كفری، ئه‌وان به‌ پاڵپشتیی رێكخراوی هاوكاری ئه‌ڵمانى، هه‌ستاون به‌ ئه‌نجامدانى پرۆژه‌یه‌كى به‌خێوكردنى به‌چكه‌ قه‌ل.