ده‌نگ نێت

 

ئەنجومەنی وەزیران  بڕیاری تەرخانکردنى ١٠ ملیار دینارى دا بۆ پڕۆژه‌ى كه‌لار- ده‌ربه‌ندیخان و به‌ڕێوبه‌رى كۆمپانیاى جێبه‌جێكارى پڕۆژه‌كه‌ش ده‌ڵێت به‌و بڕه‌ پاره‌یه‌ كاركردن له‌ پڕۆژه‌كه‌ ده‌ستپێناكه‌ینه‌وه‌.

 

ڕێگای کەلار- سلێمانى کە بە رێگای مەرگ ناسراوە زۆرترین روداوی هاتوچۆی تێدا رویداوە بەجۆرێک تەنها لەسەرەتایی ئەم  مانگەوە نۆ روداوی هاتوچۆ رویداوە ٢٠ قوربانى لێکەوتۆتەوە كه‌ ١٥ بریندار و ٥ كه‌سیشیان گیانیان لەدەست داوە.

 

عەدنان خه‌لیل، بەڕێوبەری رێگاوبانی گەرمیان بە رادیۆی دەنگی وت: پڕژه‌كه‌ پێویستى به‌ 70 ملیار دینارە و ئەو بڕە کەمترە لە ئاست پێویستی ئێمە بۆ پڕۆژەکە.

 

هاوكات عوسمان محه‌مه‌د، به‌ڕێوبه‌رى كۆمپانیاى بێشكانى جێبه‌جێكارى پڕۆژه‌كه‌ به‌ رادیۆى ده‌نگى وت: له‌ مانگى ١١ى ساڵى پێشوه‌وه‌ پاره‌ بۆ پڕۆژه‌كه‌یان خه‌رجنه‌كراوه‌ و نزیكه‌ى ١٥ ملیار دیناریان لاى حكومه‌ته‌ بۆیه‌ ئه‌و ١٠ ملیار دیناره‌ پڕۆژه‌كه‌ ناخاته‌وه‌ كار.