ده‌نگ نێت

 

به‌ڕێوبه‌رى گشتى شاره‌وانیه‌كانى گه‌رمیان ده‌ڵێت ئه‌و ئه‌ندامه‌ى ئه‌نجومه‌ن كه‌ سكاڵاى تۆمار كردوه‌ فشارى كردوه‌ بۆ ئه‌وه‌ى شوێنى كۆگا بدرێته‌ خزم و كه‌سوكارى.

 

به‌رزان كه‌ریم، به‌ڕێوبه‌رى گشتى شاره‌وانیه‌كانى گه‌رمیان به‌ رادیۆى ده‌نگى راگه‌یاند: فه‌رمانى ده‌ستگیركردنى بۆ ده‌ركراوه‌، به‌ڵام له‌ ده‌ره‌وه‌ى گه‌رمیانه‌ بۆیه‌ نه‌چوه‌ته‌ به‌رده‌م دادگا.

 

وتیشى: ده‌چێته‌ به‌رده‌م دادگا و گرفتى نیه‌.

 

كه‌ریم عه‌لى، ئه‌ندامى ئه‌نجومه‌نى پارێزگاى سلێمانى به‌رادیۆى ده‌نگى راگه‌یاند: ناوچه‌ى پیشه‌سازى ناحیه‌ى رزگارى گوازراوه‌ته‌وه‌ و روبه‌ره‌كه‌ى چه‌ند هێنده‌ زیادكراوه‌ و پێش په‌سه‌ندكردنى جێگه‌كه‌ش له‌لایه‌ن نه‌خشه‌دانانه‌وه‌ ده‌ستبه‌كاركردن كراوه‌ له‌ پرۆژه‌كه‌.

 

وتیشى: ئێمه‌ سكاڵامان كردوه‌ و دادگا به‌دواداچونى بۆ كردوه‌ و فه‌رمانى ده‌ستگیركردنى بۆ ده‌ركردوه‌.

 

به‌ڕێوبه‌رى گشتى شاره‌وانیه‌كانى گه‌رمیان له‌باره‌ى هۆكارى سكاڵاكه‌وه‌ ئاماژه‌ى به‌وه‌كرد: كه‌ ئه‌و ئه‌ندامه‌ى ئه‌نجومه‌ن چه‌ند جارێك فشارى كردوه‌ بۆ ئه‌وه‌ى جێگه‌ى كۆگاى بدرێت به‌ كه‌سێك كه‌ خزمى ئه‌و ئه‌ندامه‌یه‌، به‌ڵام پێى نه‌دراوه‌ و رۆشتوه‌ سكاڵاى تۆماركردوه‌.