ده‌نگ نێت

 

حكومه‌تى هه‌رێم بڕی 24 ملیار دینار بۆ ته‌واوكردنى ژماره‌یه‌ك پرۆژه‌ له‌ سنورى پارێزگاى سلێمانى خه‌رج ده‌كات، به‌ڵام هیچ پرۆژه‌یه‌كى سنورى گه‌رمیانى تێدا نیه‌.

 

به‌پێی ئه‌و لیسته‌ى بڵاوكراوه‌ته‌وه‌، وه‌زاره‌تى دارایی و ئابوری هه‌رێم، بڕیاریداوه‌ به‌ خه‌رجكردنى بڕی 24 ملیار و 318 ملیۆن دینار بۆ ته‌واوكردنى 22 پرۆژه‌ له‌ سنورى پارێزگاى سلێمانى.

 

ئه‌و پرۆژانه‌ ده‌كه‌ونه‌ قه‌زاكانى سلێمانى، ده‌ربه‌ندیخان، سه‌یدسادق، شارباژێڕ، دوكان و چه‌مچه‌ماڵه‌وه‌، به‌ڵام هیچ پرۆژه‌یه‌كى سنورى ئیداره‌ى گه‌رمیانى تێدا نیه‌.

 

به‌پێی راپۆرتێكى پێشوتری یه‌كه‌ى چاودێریی حكومه‌تى خۆجێی گه‌رمیان، له‌ سنورى ئیداره‌ى گه‌رمیان به‌هۆی خه‌رجنه‌كردنى بودجه‌وه‌، 77 پرۆژه‌ى خزمه‌تگوزاریی جۆراوجۆر كاره‌كانیان راگیراوه‌.