ده‌نگ نێت

 

به‌ڕێوبه‌رى رێكخراوێك باس له‌وه‌ده‌كات به‌هۆى بێده‌سه‌ڵاتى حكومه‌ته‌وه‌ كه‌سانى ناو حزبه‌ باڵاده‌سته‌كان بونه‌ته‌ رێگر له‌ به‌رده‌م كارى رێكخراوه‌كان و سه‌ربارى بونى یاسایه‌كى گرنگ بۆ كارى رێكخراوه‌یی، به‌ڵام كار به‌ یاساكه‌ ناكرێت.

 

رێباز كه‌مال، به‌ڕێوبه‌رى رێكخراوى هه‌ڵوێست له‌ میانه‌ى به‌شداریكردنى له‌ به‌رنامه‌ى روانینى رادیۆى ده‌نگ دا باس له‌وه‌ ده‌كات: زۆرینه‌ى ئه‌و ئاله‌نگارییانه‌ى كه‌ روبه‌ڕوى رێكخراوه‌كان ده‌بێته‌وى كه‌سانى باڵا ده‌ستى نێو حزبه‌كانن، كه‌ ئه‌مه‌ش له‌ غیابى حكومه‌ت دا ئه‌وان باڵا ده‌ستبون.

 

وتیشى: به‌شێوه‌یه‌كى ئاشكرا و ته‌نانه‌ت له‌ لایه‌ن به‌رپرسانى باڵاى هه‌رێمه‌وه‌ جیاوازى له‌ نێوان رێكخراوه‌كاندا ده‌كه‌ن و نوسراو ئاراسته‌ى رێكخراوه‌ نێوده‌وڵه‌تیه‌كان ده‌كه‌ن كه‌ مامه‌ڵه‌ له‌گه‌ڵ چ رێكخراوێكدا بكه‌ن.

 

به‌ڕێوبه‌رى رێكخراوى هه‌ڵوێست، جه‌ختى له‌وه‌شكرده‌وه‌: كه‌ رێكخراوه‌كان نه‌یانتوانیوه‌ هه‌ماهه‌نگیه‌كى باش له‌ نێوانیان دروست بكه‌ن بۆ ئه‌وه‌ى پێكه‌وه‌ بتوانن روبه‌ڕوى ئه‌و ئالانگارییانه‌ ببنه‌وه‌ كه‌ روبه‌ڕویان ده‌بێته‌وه‌.

 

 

به‌رنامه‌ى روانین