ده‌نگ نێت

 

تائێستا نە سەرۆکایەتی پارلەمان و نە سەرۆکایەتی ھەرێم و حکومەت، لەسەر ھێرشەکەی دوێنێ شەوی کفری ھیچ ھەڵوێستێکی فەرمیان رانەگەیاندوە.

 

بەپێی بەدواداچونی رادیۆی دەنگ، ھیچ کام لە سەرۆکایەتیەکانی پارلەمان و ھەرێم و حکومەت و تەنانەت وەزارەتی ناوخۆش، لەبارەی ھێرشەکی شەوی رابردوی سەر قەزای کفری، ھیچ راگەیەنراو و بەیاننامەیەکیان بڵاونەکردوەتەوە، ئەمە لەکاتێکدایە کە بۆ ھێرشەکانی پێشوی سەر ناوچەکانی تر و بەتایبەتی ھەولێر، راگەیەنراویان ھەبوە.

 

ھێرشەکەی کفری کە لە رێگەی ئاراستەکردنی ٢ کاتیۆشاوە بو، لە ناو بازاڕ  و گەڕەکی ئیمام محەمەد کەوتنخوارەو، بەھۆیەوە ھاوڵاتیەک بە سوکی بریندار بو.