رێبوار محەمەد ساڵح

 

لە کۆبوونەوەی سەرۆکایەتی هەرێم لەگەڵ لایەنە سیاسیەکان، هەموو حیزبەکان لە ئاستی کەسی یەکەم دا بەشداربوون ، تەنها پارتی دیموکراتی کوردستان نەبێت، ئەمەش چەن تێبینییەک هەڵدەگرێت : 

 

یەکەم : ئەوەی هۆکاری ڕێکەونەکەوتنی لایەنە کوردییەکانە پارتی دیموکراتی کوردستانە .

 

دووەم : سەرۆکی هەرێم لەبری کۆبوونەوە لەگەڵ سەرۆکی حیزبەکانی تردا ، باشترە یەکەم جار  لەگەڵ سەرۆکی حیزبەکەی خۆیدا بۆ هەمان بابەت کۆبێتەوە و قەناعەتی پێبکات هیچ نەبێ بەشداری کۆبوونەوە گشتییەکە بێت.

 

سێیەم: ئامادەنەبوونی سەرۆکی پارتی ئەوەمان پێ دەڵێ کە خودی ئەو کۆبوونەوەیە هیچ ئەهمیەتێکی یاسایی و سیاسی نیە ، ئەگەرنا پێویست بوو سەرۆکی پارتیش وەک سەرۆکی هەر حیزبێکی تری هەرێم ئامادەی بێت ، ئەمەش خودی سەرۆکی هەرێم لە احراج بوون دەرباز دەکرد ، بەڵێ مایەی احراج بوونە سەرۆکی حیزبەکانی تر وەڵامی بانگێشتەکەت بدەنەوە و سەرۆکی حیزبەکەی خۆت ئامادە نەبێت و نوێنەر بنێرێ .

 

چوارەم: دەبوو مەرجی ئامادەبوونی سەرۆکی حیزبەکانتر ، ئامادەبوونی سەرۆکی پارتی بوایە ، ئەو کات نەدەوترا خۆش بوو یەکترمان بینی و سەیری یەکترمان کرد ، بەڵکو دەکرا پرسە خیلافیەکانیان بە جدی تاوتوێ بکردایە ...