ده‌نگ نێت

 

به‌ڕێوبه‌رى حه‌ج و عومره‌ى گه‌رمیان ده‌ڵێت:  رێنماییه‌كانمان به‌ده‌ست گه‌شتوه‌ له‌ لایه‌ن وڵاتى سعودیه‌وه‌ و عومره‌ ده‌ستى پێكردوه‌ته‌وه‌.

 

به‌پێى ئه‌و رێنماییانه‌ى كه‌ وڵاتى سعودیه‌ ئاراسته‌ى كردوه‌ بۆ ئه‌نجامدانى فه‌ریزه‌ى عومره‌ له‌ چاو ساڵانى پێشتر جیاوازه‌، به‌ جۆرێك ئه‌و هاوڵاتیانه‌ى ده‌چنه‌ عه‌مره‌ 3 رۆژ كه‌ره‌نتین ده‌كرێن، وه‌ هیچ جۆره‌ زیاره‌تێكى مه‌یدانى نابێت، وه‌ عومره‌ كار بۆى نیه‌ له‌ 1 عومره‌ زیاتر بكات، له‌گه‌ڵ چه‌ند رێنماییه‌كى دیكه‌.

 

ئیدریس ساڵح، به‌ڕێوبه‌رى به‌ڕێوبه‌رایه‌تى حه‌ج و عه‌مره‌ى گه‌رمیان له‌مباره‌یه‌وه‌ به‌ رادیۆى ده‌نگى راگه‌یاند: "فه‌ریزه‌ى عه‌مره‌ ده‌ستى پێكردوه‌ته‌وه‌ و كۆمپانیاكانى تایبه‌ت به‌ عه‌مره‌ ده‌توانن له‌ 9ى ئه‌م مانگه‌وه‌ تاوه‌كو 18ى مانگ ته‌نده‌رین وه‌ربگرن و داواكارى پێشكه‌ش بكه‌ن بۆ وه‌رگرتنى مۆڵه‌ت.

 

وتیشى: به‌راورد به‌ پێش ڤایرۆسى كۆرۆنا رێنماییه‌كان زۆر قورسن.