ده‌نگ نێت

 

بەڕێوبەری گشتی پەروەردەی گەرمیان دەڵێت: تاکو ئێستا ڕێژەیەکی زۆری مادەى پاکژکەرەوه‌ وپێداویستیەکانی دژی ڤایرۆسی کۆرۆنا بۆقوتابیان وقوتابخانەکان دابین کراوه‌.

 

دارا ئه‌حمه‌د، بەڕێوبەری گشتی پەروەردەی گەرمیان بەرادیۆی دەنگی ڕاگەیاند: "لەگەڵ دەستپێکردنەوەی پڕۆسەی خوێندن لەناوچەکەدا لەگەڵ ڕێکارە خۆپارێزیاکاندا، لەئێستادا زۆرینەی مادە وپێداوستیەکانی خۆپارێزیمان چ لەمادە پاکژکەرەوەکان وماسک و گەرمی پێو بۆدابین کراوە.

 

ئاماژه‌ى به‌وه‌شكرد: توانیومانە بۆ بەڕێوبەرایەتی پەروەردەکانی قەزاو ناحیەکانی سنوری گەرمیان بەشی پێویست بنێرین.

 

وتیشی: داوامانکردوە لە وەزارەتی پەروەردە بۆجاری سێیەم سەرجەم پێداویستیە خۆپارێزیەکانمان بۆدابین بکاتەوە.