ده‌نگ نێت

 

به‌ڕێوبه‌رى ئاوه‌دانكردنه‌وه‌ى گه‌رمیان ده‌ڵێت: برى 470 ملیۆن دینارمان له‌ بانك دایه‌ و ناتوانین به‌كارى بهێنینه‌وه‌ به‌ بریارى وه‌زاره‌تى دارایى.

 

پشتیوان عه‌بدوڵا، به‌ڕێوبه‌رى به‌ڕێوبه‌رایه‌تى ئاوه‌دانكردنه‌وه‌ى گه‌رمیان له‌مباره‌یه‌وه‌ به‌ رادیۆى ده‌نگى وت: "له‌ ئێستادا برى 470 ملیۆن دینارمان له‌ بانك دایه‌ كه‌ به‌شێوه‌ى قیست وه‌رگیراوه‌ له‌ هاوڵاتیان، ناتوانین به‌كارى بهێنینه‌وه‌ به‌ بڕیارى وه‌زاره‌تى دارایى له‌ كاتێكدا، به‌ یاساى ژمارى 16ى ساڵى 2011 ده‌توانین خه‌رجى بكه‌ین بۆ یه‌كه‌ى نیشته‌جێبون".

 

وتیشى: له‌ ئێستادا ئه‌و یه‌كانه‌ى كه‌ له‌ كفرى هه‌ن بۆ كه‌مده‌رامه‌تان پێویستى به‌ 370 ملیۆن دیناره‌ كه‌ ته‌واو ببێت، ئه‌گه‌ر خه‌رجى بكه‌ین ئه‌و یه‌كانه‌ ته‌واو ده‌بێت.