ده‌نگ نێت

 

له‌ كه‌لار٥٧ ملیۆن دینارى هاوڵاتیه‌ك له‌ ناو ئۆتۆمبێله‌كه‌یدا ده‌دزرێت و وته‌بێژى پۆلیسى گه‌رمیانیش ده‌ڵێت لێكۆڵینه‌وه‌كان له‌و باره‌یه‌وه‌ به‌رده‌وامن.

 

به‌ پێی وته‌ى سه‌رچاوه‌یه‌كى ئاگادار كه‌ قسه‌ى بۆ رادیۆى ده‌نگ كرد لە ڕۆژانی ڕابردوو دانیشتوویەکی کەلار بڕی (٥٧) ملیۆن دیناری لە بانکی کەلار راکێشاوە، دواتر بۆ كارێك چووەتە شارەوانی كه‌لار و ئۆتۆمبێله‌كه‌ى لەوێ ڕاگرتووە، تا گەڕاوەتەوە جامی ئۆتۆمبێله‌كه‌یان شکاندووە و پارەکەیان بردووە.

 

له‌باره‌ى ئه‌م روداوه‌وه‌، عه‌لى جه‌مال قه‌دورى، وته‌بێژى پۆلیسى گه‌رمیان به‌ رادیۆى ده‌نگى وت: سكاڵا تۆمار كراوه‌ و لێكۆڵینه‌وه‌كان به‌رده‌وامه‌.

 

ئاماژه‌ى به‌وه‌شكرد: كه‌س له‌سه‌ر ئه‌و بابه‌ته‌ ده‌ستگیر نه‌كراوه‌.