ده‌نگ نێت

 

به‌پێی چاكسازییه‌كانى حكومه‌ت له‌م مانگه‌وه‌ موچه‌ى به‌خێوكه‌ر له‌لایه‌ن وه‌زاره‌تى داراییه‌وه‌ ده‌بڕدرێت و سه‌روى600 موچه‌خۆریان له‌ گه‌رمیانن. 

 

له‌باره‌ى بڕینى موچه‌ى به‌خێوكه‌ره‌وه،‌ جەبار عومه‌ر، بەڕێوبەری شەهیدان و ئەنفالکراوانی گەرمیان، بەڕادیۆی دەنگی وت: "موچەی هەمو ئه‌و به‌خێوکەرانه‌ی کە بەر چاکسازی دەکەون لەم مانگەوە ده‌بڕدرێت".

 

به‌ پێی چاكسازییه‌كانى حكومه‌ت وه‌زاره‌تى دارایی رێنمایی ناردوه‌ته‌ بانكه‌كان بۆ بڕینى موچه‌ى زیاتر له‌ 10 هه‌زار كه‌س، كه‌ به‌شى زۆرى ئه‌و موچانه‌ى ده‌بڕدرێت موچه‌ى به‌خێوكه‌ره‌ كه‌ هه‌ربه‌خێوكه‌رێك ٧٥ هه‌زار دینار موچه‌كه‌ى بوه‌.

 

به‌ پێی به‌دواداچونه‌كانى ڕادیۆى ده‌نگ،‌ سه‌رو ٦٠٠ كه‌س له‌وانه‌ى موچه‌ى به‌خێوكه‌ر وه‌رده‌گرن له‌ گه‌رمیانن.