ده‌نگ نێت

 

په‌رله‌مانتارێكى پارتی دەروازەی پەروێزخان بەسەرهەڵدانی جۆرێکی نوێی قاچاخ ناوەزەند دەکات و ده‌ڵێت: باری ئاسن بەناوی ترانزێتەوە دێت و پارەی ئەو بارانە  بۆ کەسانی تایبەتە، وته‌بێژى ده‌روازه‌كه‌ش وته‌كانى ئه‌و په‌رله‌مانتاره‌ ره‌تده‌كاته‌وه‌.

 

هێڤدار ئەحمەد، جێگری سەرۆکی لیژنەی دارایی لە هەژماری تایبەتی خۆی لەفەیسبوک بڵاویكردوه‌ته‌وه‌ و دەڵێت: "لە دەروازەی پەروێزخانەوەی باری ئاسن بەناوی ترانزێتەوە دێت بۆئەوەی ڕەوانەی سوریا بکرێت، بەڵام بەڵگەکان ساختەکراون و لەبازاڕەکانی هەرێم ساغ دەکرێنەوە.

 

ئه‌و په‌رله‌مانتاره‌ ده‌شڵێت: بڕی پارەی وەرگیراوی ئەو بارانە بۆ کەسانێکی تایبەتە.

 

له‌ به‌رامبه‌ر وته‌كانى ئه‌و په‌رله‌مانتاره‌، وتەبێژی دەروازەی پەروێزخان عه‌باس ئیسماعیل، به‌رادیۆى ده‌نگى وت: "بەهەمو جۆرێک ئەو بابەتە  دورە لەراستیەوە ڕۆژانە باری ترانزێت لە ڕێگەی دەروازەی پەروێزاخانەوە دێت، بەڵام هیچ بارێکی ترانزێت بەمەبەستی هەناردەکردن بۆسوریا نەهاتوە".

 

ئاماژەی بەوەشکرد:  "کە بۆ ئەم بابەتە چەند جارێک پەیوەندیمان بە هێڤیدار ئەحمەدەوە کردوە، بەڵام پەیوەندییەکان بێوەڵامه‌.