رادیۆی دەنگ

 

رادیۆی دەنگ بە پاڵپشتی سندوقی نیشتمانی بۆ دیموکراسی NED، گفتوگۆیەکی کراوەی لەنێوان بەشێک لە چالاکوانان و هاوڵاتیان بەڕێوبەری ناحیە و سەرۆکی شارەوانی سەرقەڵا ئەنجامدا.

 

لە گفتوگۆکراوەکەدا کە (١١) کەس تیایدا بەشداربون و ئەمڕۆ سێشەمە (١٧ـی ئەیلولی ٢٠٢٤) لە هۆڵی ناوەندی رۆشنبیری و هونەری سەرقەڵا بەڕێوەچو، بەشداران گفتوگۆیان کرد دەربارەی دۆخی خزمەتگوزارییەکانی ناحیەکەیان

 

لەسەرەتای گفتوگۆکەدا، هەریەکە لە: تەها ئیبراهیم- بەڕێوبەری ناحیەی سەرقەڵا و پەیمان عەلی- سەرۆکی شارەوانی سەرقەڵا، ئاماژەیان بە دۆخی خزمەتگوزارییەکانی ناحیەکە و ئەو کارانەی کراون و ئەو پێویستیانەی هەن، کرد.

 

پاشان بەشداران کە لە ژمارەیەک چالاکوان و مامۆستا و فەرمانبەری ناحیەکە پێکهاتبون، سەرنج و تێبینی و پرسیارەکانی خۆیان دەربارەی خزمەتگوزارییەکان و کێشەکانیان خستەڕو.

 

رادیۆی دەنگ ئەم پرۆژەیە لە رێگەی یەکەی چاودێریی حکومەتی خۆجێی گەرمیان ئەنجام دەدات کە یەکەیەکی تایبەتی رادیۆکەیە بۆ پرسی چاودێریی و بەدواداچونی حکومەتی خۆجێی و کارەکانی بریتییە لە ئامادەکردنی راپۆرتی چاودێریی و ئەنجامدانی کۆنفرانس و سیمینار و گفتوگۆی کراوە و کۆبونەوە لەنێوان حکومەت و کۆمەڵی مەدەنی.