رادیۆی ده‌نگ
له‌چوارچێوه‌ى چالاكیه‌كانى پرۆژه‌ى بره‌ودان به به‌شداریی سیاسی ژنان له رێگەی رۆژنامه‌وانییەوە كه رادیۆی ده‌نگ به پاڵپشتى وه‌زاره‌تى ده‌ره‌وه‌ى كه‌نه‌دا/ باڵیۆزخانه‌ى كه‌نه‌دا له عێراق جێبه‌جێی ده‌كات، راهێنانێك بۆ رۆژنامه‌نوسانى گه‌رمیان به‌ڕێوه‌چو.
له راهێنانه‌كه‌دا كه 15 رۆژنامه‌نوس له هه‌ردو ره‌گه‌ز له ده‌زگا میدیاییه جیاوازه‌كان كارى رۆژنامه‌وانى و په‌یامنێریی و به‌ڕێوه‌بردن و نوسین ده‌كه‌ن، به‌شدارییان كردبو. تیایدا راهێنه‌ر: ئاریان ره‌ئوف، له باره‌ى پرسی به‌شداریی سیاسی ژنان و روماڵی میدیایی بۆ ئه‌م به‌شدارییه و هاندانى، راهێنانى پێشكه‌ش كرد.
هاوكات رۆژنامه‌نوسانى به‌شدار چ له‌میانه‌ى گفتوگۆكان و چ له میانه‌ى كارى گروپ و وۆركشۆپ، بۆچونى خۆیان له‌باره‌ى پرسی به‌شداریی ژنان له سیاسه‌ت دا و هه‌روه‌ها بره‌ودانى میدیا به‌م به‌شدارییه، خسته‌ڕو.
ئه‌م پرۆژه‌یه‌ى كه رادیۆی ده‌نگ به پاڵپشتى وه‌زاره‌تى ده‌ره‌وه‌ى كه‌نه‌دا/ باڵیۆزخانه‌ى كه‌نه‌دا له عێراق جێبه‌جێی ده‌كات، خۆی له چه‌ند خولێكى راهێنان و دواتر به‌رهه‌مهێنانى میدیایی له بوارى به‌شداریی سیاسی ژنان دا ده‌بینێته‌وه.
- دوایین بابەتەکان
-
هەواڵبەڕێوبەرایەتی چاودێریی بازرگانیی گەرمیان: شوێنکارەکان خۆیان نرخی کاڵاکانیان دیاریی دەکەن
-
-
هەواڵسەرۆکی شارەوانی کەلار: ئاوی چەمی سەیدخەلیلمان بەسەر ٢ رێڕەودا دابەشکردوە
-
-
هەواڵهاتوچۆی گەرمیان: کامێرای یەک خاڵی لەسەر رێگای کەلار- کفری زیاد کراوە
-
-
هەواڵشارەزایەکی پەروەردە لە گەرمیان: پێویستە جگەرەکێشانی مامۆستایان لە ناوەندەکانی خوێندن قەدەغەبکرێت
-
-
هەواڵكەمبونەوەی پارەی وردە کێشەی لە بازاڕدا دروستکردوە
-
زۆرترین بینراوەکان
