رادیۆی ده‌نگ
پێنجه‌مین خه‌ڵاتى شه‌هیدی قه‌ڵه‌م كاوه گه‌رمیانى بۆ ئازادی، به‌خشرا به سه‌رنوسه‌رى سایتی ئاوێنه نیوز: سه‌ردار محه‌مه‌د.
ئه‌مڕۆ له‌میانه‌ى مه‌راسیمی سه‌ره‌كی ساڵیادی تیرۆركردنى شه‌هیدی قه‌ڵه‌م كاوه گه‌رمیانى، خه‌ڵاتى شه‌هیدی قه‌ڵه‌م كاوه گه‌رمیانى بۆ ئازادی كه له‌لایه‌ن رادیۆی ده‌نگه‌وه پێشكه‌ش ده‌كرێت، به‌خشرا به رۆژنامه‌نوس (سه‌ردار محه‌مه‌د)، سه‌رنوسه‌رى پێشوى رۆژنامه‌ى ئاوێنه و سه‌رنوسه‌رى ئێستاى سایتی ئاوێنه‌نیوز.
له‌وته‌ى پێشكه‌شكردنى خه‌ڵاته‌كه‌دا، ئازاد عوسمان، به‌ڕێوبه‌رى رادیۆی ده‌نگ، ئاماژه‌ى به‌وه‌كرد كه (سه‌ردار محه‌مه‌د) یه‌كێكه له كۆله‌كه و پێشه‌نگانى میدیای ئه‌هلی و سه‌ربه‌خۆ له‌كوردستان كه ئه‌وان وه‌كو نه‌وه‌ى دوه‌مى رۆژنامه‌نوسانى سه‌ربه‌خۆ، چاویان لێده‌كه‌ن.
هه‌روه‌ك ئاماژه‌ى به‌وه‌شكرد كه هیوادارن ئه‌و خه‌ڵاته ببێت به‌هانده‌ر و پاڵپشتییه‌ك بۆ هه‌مو رۆژنامه‌نوس و ئازادیخوازان، بۆ ئه‌وه‌ى به‌رده‌وام بن له كاروانى ئازادیی.
لایخۆشیه‌وه رۆژنامه‌نوس (سه‌ردار محه‌مه‌د)، له وته‌یه‌كدا سوپاسی رێكخه‌رانى خه‌ڵاته‌كه‌ى كرد و رایگه‌یاند كه شه‌ره‌فێكى گه‌وره‌یه خه‌ڵاتى شه‌هیدێكى راسته‌قینه وه‌ربگرێت.
ئه‌مه‌و خه‌ڵاته‌كه له‌لایه‌ن (ئازاد یه‌دوڵڵا)، یه‌كێك له هاوڕێ نزیكه‌كانى شه‌هیدی قه‌ڵه‌م كاوه گه‌رمیانى، پێشكه‌ش به رۆژنامه‌نوس (سه‌ردار محه‌مه‌د) كرا.
- دوایین بابەتەکان
-
هەواڵرێژهیهكی مه‌ترسیدار.. رۆژانه له كه‌لار 20 هه‌زار مه‌تر سێجا ئاو به‌فیڕۆ ده‌درێت
-
-
هەواڵدواى بڕیاره‌كه‌ى قایمقامیه‌ت هێشتا فه‌رمانى پێكهێنانى هێڵی گواستنه‌وه‌ی پرۆژه نوێیه‌كانى كه‌لار ده‌رنه‌چوه
-
-
هەواڵبەڕێوبەری یەکێک لە دێرینترین ئامادەییەکانی کەلار دەستلەکاردەکێشێتەوە
-
-
وتار"وانەیەک لەناو ئاگر و دوکەڵدا"... با ئەم وانەیەش لە هەڵەبجەیەکانەوە فێربین
-
-
هەواڵمامۆستایانى ناڕازیی: حكومه‌تى هه‌رێم موچه‌ى به بارمته گرتوه و حكومه‌تى عێراقیش باجی حكومه‌تى هه‌رێم به فه‌رمانبه‌ران ده‌دات
-
زۆرترین بینراوەکان
