رادیۆی دەنگ

كێشه‌ى كه‌مى ده‌رمان له‌نێو نه‌خۆشخانه‌ حكومییه‌كان تاوه‌كو ئێستا به‌رده‌وامى هه‌یه‌ به‌تایبه‌ت دەرمانی نه‌خۆشانى درێژخایه‌ن، به‌ڕێوبه‌رى نه‌خۆشخانه‌یه‌كیش ده‌ڵێت: زیاتر له‌ 2 مانگه‌ ده‌رمانى ئه‌و نه‌خۆشانه‌ نه‌ماوه‌.

سامان سه‌رتیپ، به‌ڕێوبه‌ری نه‌خۆشخانە‌ى شه‌هید خالد گه‌رمیانى له‌ كفرى، بۆ رادیۆى ده‌نگ باسى له‌وه‌كرد: به‌كۆى گشتى گرفت له‌ ده‌رمان هه‌یه‌ له‌ نێو نه‌خۆشخانه‌كانى سنوره‌كه‌، به‌ڵام ئه‌وه‌ى زۆر كێشه‌یه‌ ده‌رمانى نه‌خۆشانى درێژخایه‌نه‌ كه‌ كێشه‌ى بۆ هاوڵاتیان دروستكردوه‌.

ده‌شڵێت: بۆ ماوه‌ى زیاتر له‌ 2 مانگه‌ یه‌كێك له‌و ده‌رمانانه‌ى كه‌ پێویسته‌ و به‌رده‌ست نیه‌ ده‌رمانى نه‌خۆشى شه‌كره‌یه‌.

هێماى بۆ ئه‌وه‌شكرد: ته‌ندروستی گه‌رمیان له‌ ئێستادا له‌ ته‌نده‌رینى كڕینى ده‌رمانن، چاوه‌ڕوان ده‌كرێت له‌ ئاینده‌یه‌كى نزیكدا ئه‌و كێشه‌یه‌ چاره‌سه‌ر ببێت.