رادیۆی دەنگ

له‌ سنورى گه‌رمیان زیاتر له‌ ٣٠ فێرگه‌ى وه‌رزشى بونیان هه‌یه‌، به‌ڵام تاوه‌كو ئێستا هیچ یه‌كێك له‌وانە‌ مۆڵه‌تى فه‌رمییان نیه‌، سه‌رپه‌رشتیارى فێرگه‌كانیش ده‌ڵێت: ٢ ساڵە‌ داواكارییمان بەرزكردوه‌تەوە، بەڵام وه‌ڵام نه‌دراوینه‌ته‌وه‌.

سه‌ردار مه‌جید، سه‌رپه‌رشتیارى فێرگه‌ وەرزشییەكانى گه‌رمیان، بۆ رادیۆى ده‌نگ باسى له‌وه‌كرد: نزیكه‌ى دو ساڵه‌ فێرگه‌كان داواكارییان به‌رزكردوه‌ته‌وه‌ بۆ ئه‌وه‌ى مۆڵه‌ت وه‌ربگرن، چونكه‌ هیچ یه‌كێك له‌و فێرگاند مۆڵه‌تیان نییە و به‌شێوه‌یه‌كى نافەرمی كارده‌كه‌ن.

وتیشى: پێى یاسا و رێنماییه‌كان داواکاری مۆڵه‌ت له‌لاى به‌ڕێوبه‌رایه‌تى وه‌رزشى گه‌رمیانه‌وه‌ به‌رز ده‌كرێتەوە بۆ سەروی خۆیان.

ئاماژەی بەوەشکرد: به‌پێى ئه‌وه‌ى بۆمان رونبوه‌ته‌وه‌، هۆكارى پێنه‌دانى مۆڵه‌ت بۆ ئه‌وه‌ ده‌گه‌ڕێته‌وه‌ كه‌ رێژه‌یه‌كى كه‌میان بۆ  گه‌رمیان داناوه‌ و دیاریكراوه‌ ته‌نها ٥ فێرگه‌ مۆڵه‌تیان پێبدرێت.

لەبارەی هەنگاوی داهاتویان بۆ چارەسەرکردنی ئەو گرفتە، سەرپەرشتیاری فێرگە وەرزشییەکانی گەرمیان، جەختیکردەوە: لایه‌نه‌ په‌یوه‌ندیدارەكان له‌ هه‌وڵدان به‌شى گه‌رمیان زیاتر بكه‌ن، بۆیه‌ ئێمه‌ش چاوه‌ڕوانین.