رادیۆی دەنگ

دواى ئه‌وه‌ى به‌هۆى هێرشه‌كانى ئه‌مه‌ریكا بۆ سه‌ر ئێران جوڵه‌ى بازرگانى له‌ دەروازەی په‌روێزخان بۆ ماوه‌ى چه‌ند رۆژێك راگیرا، به‌ڕێوبه‌رى دەروازەکە ده‌ڵێت: لەئێستادا جوڵه‌ى بازرگانى ئاساییه‌.

عه‌باس ئیسماعیل، به‌ڕێوبه‌رى دەروازەی نێوده‌وڵه‌تى په‌روێزخان، بۆ رادیۆى ده‌نگ وتى: جوڵه‌ى بازرگانى له‌ دەروازەکەماندا ئاساییه‌ و رۆژانه‌ ئاڵوگۆڕ ئه‌نجام ده‌درێت و هیچ كێشه‌یه‌ك نیه‌.

ئه‌مه‌ له‌ كاتێكدایه‌، به‌پێى به‌دواداچونه‌كانى رادیۆى ده‌نگ، چه‌ند رۆژێكه‌ مه‌رزه‌كه‌ كراوه‌ته‌وه‌ و رۆژانه‌ ئاڵوگۆڕى بازرگانى ئه‌نجام ده‌درێت بەڵام بەشێوەیەکی سنوردار، به‌جۆرێك وڵاتى ئێران ته‌نها رێگه‌ى داوه‌ رۆژانه‌ نزیكه‌ى 200 بارهەڵگر جوڵه‌یان هه‌بێت.